એક વૃક્ષ દેશ કે નામ અંતગૅત મુસ્લિમ સમાજ ની ચાર સંસ્થાઓ દ્વારા વૃક્ષારોપણ કરાયું..

મુસ્લિમ સમાજ ના ધમૅ સ્થાનો પર વિવિધ પ્રકારના વૃક્ષો નું વાવેતર કરી જતન માટે સંકલ્પ ગ્રહણ કરાયા..

પાટણ તા. ૨૨
એક વૃક્ષ દેશ કે નામ અંતગૅત રવિવારે પાટણ શહેરની વિવિધ મુસ્લિમ સંસ્થાઓ દ્વારા મુસ્લિમ ધમૅ સ્થાનો મા વિવિધ પ્રકારના વૃક્ષોનું વાવેતર કરી હરિયાળું પાટણ હરિયાળો દેશ બનાવવા ના સંકલ્પ ગ્રહણ કરવામાં આવ્યાં હતાં.

પાટણ શહેરમાં કાયૅરત મદ્રેસા જામે અતુન્નુર રખતાવાડા,માનવતા ફાઉન્ડેશન, ઈદગાહ કમિટી અને ખિદમત ગૃપ દ્રારા આયોજિત એક વૃક્ષ દેશ કે નામ અંતગૅત દેશના વડાપ્રધાન ની પયૉવરણ પ્રત્યે ની જાગૃતતા માટેની અપીલને ઘ્યાનમાં રાખીને શહેરની ઈદગાહ સહિત મુસ્લિમ સમાજ ની ધામિર્ક જગ્યાએ વિવિધ પ્રકારના વૃક્ષો નું વાવેતર કરી તેના જતન માટે સંકલ્પ ગ્રહણ કરવામાં આવ્યો હતો.

આ વૃક્ષા રોપણ કાર્યક્રમમાં મુસ્લિમ સમાજના આગેવાનો, યુવા કાર્યકરો સહિત ચારેય સંસ્થાના પ્રમુખો, મંત્રીઓ અને સભ્યો ઉપસ્થિત રહ્યા હતા.

અહેવાલ યશપાલ સ્વામી