પાટણના ખાલકશા પીર પાસેના રેલવે ફાટકના અંડર પાસ ના પ્રશ્નનું પાટણ સાંસદ દ્રારા સુખદ નિરાકરણ કરાયું..

જીલ સોસાયટી સહિત અન્ય સોસાયટીના રહીશો દ્રારા પાટણ સાંસદ નો અભિવાદન કાર્યક્રમ યોજાયો..

પાટણ તા. ૧૮
પાટણ શહેરની જીલ સોસાયટી સહિત અન્ય સોસાયટીના રહીશો દ્વારા પોતાની મહત્વની અને મહિનાઓથી પડતર રહેલી રેલવે ફાટકના અંડર પાસની માંગણીને પાટણ સાંસદ ભરતસિંહ ડાભી દ્વારા સંતોષવામાં આવતાં રહીશો દ્વારા પાટણ સાંસદનો આભાર દર્શન કાર્યક્રમ સોમવારે જીલ સોસાયટી ખાતે આયોજિત કરવામાં આવ્યો હતો.

પાટણ શહેરના ખાલકશા પીર રેલવે ફાટકના અંડર પાસ ના મામલે છેલ્લા કેટલાક મહિનાઓથી આ વિસ્તારની ઝીલ સોસાયટી સહિતની અન્ય કેટલીક સોસાયટીના રહીશો દ્વારા કરાયેલી માંગને તંત્ર દ્વારા કોઈ કારણોસર સંતોષવામાં નહીં આવતા આ વિસ્તારની સોસાયટીના રહીશો મુશ્કેલીમાં મુકાયા હતા અને આ મુશ્કેલી દૂર કરવા સોસાયટીના રહીશો દ્વારા અનેક વખત રેલી અને ધરણા સહિતના કાર્યક્રમો યોજી કલેકટર કચેરીએ આવેદનપત્ર પણ આપવામાં આવ્યા હતા.

છતાં ઉપરોક્ત રેલવે ફાટક ના અંડર પાસ ની કામગીરી નું કોઈ ચોક્કસ નિરાકરણ નહીં આવતા આખરે રહીશો દ્વારા પાટણના સાંસદ ભરતસિંહ ડાભી સમક્ષ આ મામલે રજૂઆત કરતા તેઓએ રહીશોની માંગણી અને લાગણીને ધ્યાનમાં રાખીને તાત્કાલિક ધોરણે અંડર પાસ ની કામગીરી મામલે તંત્ર સાથે વિચાર વિમૅશ કરી તેનુ સુખદ નિરાકરણ લાવી રહીશો ની મુશ્કેલીનું સમાધાન કરતા જીલ સોસાયટી સહિતની આ વિસ્તારમાં આવેલી અન્ય સોસાયટીના રહીશો દ્વારા સોમવારના રોજ પાટણ સાંસદ ભરતસિંહ ડાભી નો આભાર દર્શન કાર્યક્રમ જીલ સોસાયટી ખાતે આયોજિત કરવામાં આવ્યો હતો.

જીલ સોસાયટી સહિતની અન્ય સોસાયટીના રહીશોએ પાટણ સાંસદ ભરતસિંહ ડાભીને ફૂલહાર પહેરાવી મોં મીઠું કરાવી વિસ્તારના રહીશોની રેલવે ફાટક ના અંડર પાસ ની માંગને સંતોષવા બદલ આભાર ની લાગણી વ્યક્ત કરી હતી.

આભાર દર્શનનો પ્રત્યુતર આપતા પાટણના સાંસદ ભરતસિંહ ડાભી એ પણ પ્રજાની સેવા કરવી એ પોતાની પ્રથમ ફરજ હોવાનું જણાવી તેઓના સન્માન બદલ જીલ સોસા યટી સહિત અન્ય સોસાયટીના રહીશો નો આભાર વ્યક્ત કર્યો હતો. આભાર દર્શન કાર્યક્રમ બાદ સોસા યટી ના રહીશો દ્વારા પાટણ સંસદના જન્મદિવસની કેક કાપી જન્મદિવસની શુભેચ્છાઓ પણ પાઠવવા માં આવી હતી.

પાટણના ખાલકશા પીર વિસ્તારમાં આવેલી જીલ સોસાયટી સહિત અન્ય સોસાયટીના રહીશો દ્વારા પાટણ સાંસદ ના આયોજિત કરાયેલા આભાર દર્શન કાર્યક્રમમાં પાટણ સાંસદ ભરતસિંહ ડાભી,પાટણ નગરપાલિકા પ્રમુખ હિરલબેન પરમાર, નગરપાલિકાના કોર્પોરેટરો, વિવિધ શાખાઓના ચેરમેનો સહિત સોસાયટી વિસ્તારના રહીશો મોટી સંખ્યામાં ઉપસ્થિત રહ્યા હતા.

અહેવાલ યશપાલ સ્વામી