પાટણ માં ધો.10 ના હિન્દી વિષયનાં પેપરમાં મોબાઈલ માથી કોપી કરતો વિધાર્થી ઝડપાયો…

ધોરણ 12 વિજ્ઞાન પ્રવાહ ની પરીક્ષા શાંતિપૂર્ણ માહોલમાં સંપન્ન બની..

પાટણ તા. 22
ગુજરાત ઉચ્ચતર માધ્યમિક શિક્ષણ બોર્ડ દ્વારા ધોરણ 10 અને 12 ની બોર્ડ પરીક્ષામાં શુક્રવારે ધોરણ 10 ના જુદા જુદા દસ વિષયોની સવારના સેસન્સ મા પરિક્ષા લેવામાં આવી હતી જેમાં હિન્દી વિષયનાં પેપરમાં શહેરની એક્સપરિમેન્ટલ હાઈસ્કૂલમાં એક વિધાર્થી મોબાઇલ માથી કોપી કરતાં ઝડપાતા તે વિધાર્થી સામે કોપી કેસ કરી કાયદેસરની કાયૅવાહી હાથ ધરવામાં આવી હતી. જયારે ધો. 12 વિજ્ઞાન પ્રવાહ ની અંતિમ પરિક્ષા બપોર ના સેસન્સ મા લેવામાં આવી હોવાનું શિક્ષણ વિભાગ ના સુત્રોએ જણાવ્યું હતું.

પાટણ શહેર અને જિલ્લામાં 11 માર્ચથી શરૂ થયેલ બોર્ડની પરીક્ષામાં શુક્રવારે ધોરણ 10 અને ધોરણ 12 વિજ્ઞાન પ્રવાહમાં અંતિમ વિષયની પરીક્ષા યોજાય હતી. જેમાં ધોરણ 10 માં સંસ્કૃત હિન્દી પીએચ બ્યુટી કેર વેલનેસ હેલ્થ કેર હોમ ફર્નિ સિંગ એગ્રીકલ્ચર આઈડી સિંધી ઉર્દુ એરેબિક અને રીટેલ જેવા વિષય ની પરીક્ષા યોજાય હતી જેમાં કુલ 15125 પૈકી 14,648 હાજર અને 477 વિદ્યાર્થીઓ ગેરહાજર રહ્યા હતા. બપોર ના સેશનમાં ધોરણ 12 સામાન્ય પ્રવાહમાં કોમ્પ્યુટર વિષયની પરીક્ષા યોજાય હતી જેમાં 162 હાજર અને બે ગેરહાજર રહ્યા હતા.

સંસ્કૃત મધ્યમા તમામ 21 વિદ્યાર્થીઓ હાજર રહ્યા હતા ધોરણ 12 વિજ્ઞાન પ્રવાહમાં કોમ્પ્યુટર અને સંસ્કૃત તેમજ ગુજરાતી ફર્સ્ટ લેંગ્વેજ વિષયની પરીક્ષા યોજાઈ હતી. જેમાં કુલ 1871 પરીક્ષાર્થીએ પરીક્ષા આપી હતી અને 8 ગેરહાજર રહ્યા હતા.ધો 12 વિ.પ્રમાં સમગ્ર પરીક્ષામાં કોઈ કોપી કેસ ના થતા શાંતિપૂર્ણ માહોલ માં પરિક્ષા સંપન્ન થઈ હોવાનું સુત્રોએ જણાવ્યું હતું.

અહેવાલ યશપાલ સ્વામી