પાટણના ગાયત્રી મંદિર વિસ્તારમાં આવેલ મહાદેવ નગર માં વરસાદી પાણીના નિકાલ અર્થે સ્ટ્રોંમ વોટરની કામ ગીરી પાલિકા દ્વારા પુન: શરૂ કરાઈ..

વિસ્તારના રહીશોએ પાલિકા દ્વારા પુન: શરૂ કરાયેલી કામગીરીને સરાહનીય લેખાવી કામગીરી ઝડપી પૂર્ણ થાય તેવી આશા વ્યક્ત કરી..

પાટણ તા. ૩
પાટણ નગરપાલિકા દ્વારા શહેરના ગાયત્રી મંદિર વિસ્તારમાં આવેલા મહાદેવ નગર સોસાયટી વિસ્તાર માં દર ચોમાસામાં વરસાદી પાણી ભરવાની સમસ્યાને ધ્યાનમાં રાખીને તેના નિકાલ અર્થ સ્ટ્રોંમ વોટરની કામગીરી હાથ ધરવામાં આવી હતી.

પાટણ નગરપાલિકા દ્વારા મહાદેવ નગર વિસ્તારમાં શરૂ કરાયેલી સ્ટ્રોંમ વોટરની કામગીરી દરમિયાન વિસ્તારમાં ભૂગર્ભ ગટરની લાઈનો તેમજ પાણીની પાઇપ લાઇન માં ભંગાણ ની પરિસ્થિતિ સજૉતા આ કામગીરીમાં જોડાયેલા મજુરો છેલ્લા કેટલાક દિવસો થી વિસ્તારમાં ઉડા ખાડા ખોદી અધુરૂ કામ છોડી જતા રહેતા વિસ્તારના લોકોને અનેક મુશ્કેલી ભોગવવાની સાથે આ ખાડામાં અકસ્માત સજૉવાની ભિતી ઉભી થવા પામી હતી.

જે બાબતે ગતરોજ પાલિકાના સતાધીશો નું ધ્યાન દોરવામાં આવતાં તેઓએ સ્થળ તપાસ કરી મજુરો ને લાઈન દોરી આપી કામ પુનઃ શરૂ કરતા વિસ્તાર ના લોકોએ રાહત અનુભવી વરસાદી પાણીના નિકાલ માટે પાલિકા દ્વારા હાથ ધરાયેલી સ્ટ્રોમ વોટરની કામગીરી ઝડપી પૂર્ણ કરવામાં આવે તેવી આશા  વ્યક્ત  કરી હતી.

અહેવાલ યશપાલ શ્યામી