પ્રજાપતિ સમાજ ના 108 ક્રિકેટ ખેલાડીઓની કુલ 9 ટીમો ટુનૉમેન્ટ મા ભાગ લેશે..
પાટણ તા.12
પાટણ પ્રજાપતિ સમાજના યુવાનો દ્વારા ઉનાળા ના વેકેશનમાં દર વષૅ ની જેમ આયોજિત કરવામાં આવતી શ્રી પદ્મનાભ પ્રિમિયર લીગ પીપીએલ ક્રિકેટ ટુનૉમેન્ટ નું ચાલુ સાલે પણ સુંદર આયોજન શ્રી પદ્મનાભ વાડી પરિસરના ગ્રાઉન્ડ ખાતે કરવામાં આવ્યું છે.
રવિવારે આ પીપીએલ ક્રિકેટ ટુનૉમેન્ટ નો પ્રારંભ શ્રી પદ્મનાભ વાડી ટ્રસ્ટના પ્રમુખ ટ્રસ્ટી પ્રમોદભાઈ પ્રજાપતિ ના વરદ હસ્તે કરાવવામાં આવ્યો હતો.શ્રી પદ્મનાભ પ્રીમિયમ લીગ ક્રિકેટ ટુનૉમેન્ટ મા પ્રજાપતિ સમાજના 108 ક્રિકેટ ખેલાડીઓની કુલ 9 ટીમો ભાગ લઈ રહી હોવાનું આયોજકોએ જણાવ્યું હતું.
શ્રી પદ્મનાભ વાડી પરિસરના ગ્રાઉન્ડ ખાતે પ્રારંભ કરવા માં આવેલ પીપીએલ ક્રિકેટ ટુનૉમેન્ટ ની પ્રથમ મેચ રીઆર્થ ઇલેવન અને ફેની ઇલેવન વચ્ચે રમાઇ હતી.
પાટણ પ્રજાપતિ સમાજના ક્રિકેટ ખેલાડીઓને પ્લેટફોર્મ પુરૂ પાડવા આયોજિત કરવામાં આવેલ આ ટુનૉમેન્ટ ને નિહાળવા અને સમાજના ક્રિકેટ ખેલાડીઓને પ્રોત્સાહિત કરવા મોટી સંખ્યામાં પાટણ પ્રજાપતિ સમાજ સહિત અન્ય સમાજના ક્રિકેટ રસીકો ઉપસ્થિત રહ્યા હતા.
અહેવાલ યશપાલ શ્યામી
