સ્વ રતનબેન ખોડીદાસ પટેલ ના આત્માની શાંતિ માટે પ્રાર્થના સભા યોજાઈ..

સ્વર્ગસ્થની પ્રાર્થના સભામાં પાટણના અગ્રણીઓ,રાજકીય-સામાજીક આગવાનોએ ઉપસ્થિત રહી શ્રદ્ધા સુમન સમર્પિત કયૉ..

પાટણ તા. ૧૩
પાટણ નગરપાલિકાના પૂર્વ પ્રમુખ અને પાટણ નાગરિક બેંકના ચેરમેન મહેન્દ્રભાઈ પટેલ તેમજ પાટણ શહેર ભાજપના પૂર્વ પ્રમુખ અને પાટણ નગર પાલિકાના નગર સેવક મનોજભાઈ પટેલના માતૃશ્રી સ્વ.રતનબેન ખોડીદાસ પટેલ નું શનિવારે ટુકી માંદગી બાદ નિધન થતાં તેમના બહોળા પરિવારજનો સાથે સગાસંબંધી અને સ્નેહીજનોમા શોકની કાલિમા છવાઈ જવા પામી હતી.

સ્વ.ના આત્માની શાંતિ માટે સોમવારે સાંજે 5 થી 7 ના સમય દરમ્યાન શહેરના રામજી મંદિર હોલ ખાતે પરિવારજનો દ્વારા પ્રાથૅના સભાનું આયોજન કરવામાં આવ્યું હતું.જેમા પાટણના અગ્રણીઓ, વેપારીઓ, ડોકટરો, વકીલો, બેક કમૅચારીઓ, સહિત રાજકીય-સામાજીક આગેવાનોએ તેમજ મુસ્લિમ સમાજના પરિવારજનોએ વિશાળ સંખ્યામાં ઉપસ્થિત રહી સ્વ. ની ફોટો પ્રતિમાને શ્રધ્ધા સુમન સમપિર્ત કરી તેઓના આત્માની શાંતિ માટે પ્રાર્થના કરી હતી.

સ્વ.રતનબેન ખોડીદાસ પટેલ ના આત્મા ની શાંતિ માટે પરિવારજનો દ્વારા આયોજિત પ્રાર્થના સભામાં ઉપસ્થિત રહી શ્રધ્ધા સુમન પાઠવનાર સૌનો મૃતકના પુત્રો ચંદ્રકાન્તભાઈ મહેન્દ્રભાઈ, સ્વ.અરવિદભાઈ રાજેશભાઈ અને મનોજભાઈ પરિવારે સહહ્રદય આભાર વ્યક્ત કર્યો હતો.

અહેવાલ યશપાલ શ્યામી