અવાર-નવાર સજૉતી ટ્રાફિકની સમસ્યા ને લઈને હોસ્પિટલ ખાતે આવતા દર્દીઓ સહિત ના સગા વ્હાલાઓને પડતી હાલાકીઓ..
આ વિસ્તારમાં આડેધડ પાર્ક થતા વાહનો અને લારી-ગલ્લા અને કેબીનોના દબાણો પાલિકા અને પોલીસ સંયુક્ત રીતે દૂર કરે તેવી લોક માંગ ઉઠી…
પાટણ તા. ૨૮
પાટણ શહેરનો વિકાસ અને વિસ્તાર દિન પ્રતિ દિન વિસ્તરી રહ્યો છે ત્યારે શહેરમાં ટ્રાફિકની સમસ્યા પણ માથાના દુખાવો સમાન બની રહી હોય તેવા દ્રશ્યો અવાર-નવાર શહેરના મુખ્ય બજાર માર્ગ સહિત જનતા હોસ્પિટલ નજીક સર્જાતા જોવા મળી રહ્યા છે.
પાટણ શહેરના રેલવેના પ્રથમ ગરનાળાથી બગવાડા તરફ જવાના માર્ગ પર જનતા હોસ્પિટલ સામે સર્કલ પર અને આજુબાજુના વિસ્તારોમાં લોકો દ્વારા કરાતા આડેધડ વાહન પાર્કિંગ તેમજ ગેરકાયદેસરના લારી ગલ્લા અને કેબીનોના દબાણોના કારણે જનતા હોસ્પિટલમાં ઇમરજન્સી સારવાર સારવાર માટે લવાતા દર્દીઓની હાલત કફોડી બનતી હોય છે તો ક્યારેક ટ્રાફિકની સમસ્યાના કારણે દર્દીનો જીવ પણ મુશ્કેલી માં મુકાતો હોય છે.
પાટણ શહેરના જનતા હોસ્પિટલ માર્ગ પર અવારનવાર સર્જાતી ટ્રાફિકની સમસ્યાને નિવારવા જનતા હોસ્પિટલના સત્તાધિશો દ્વારા અનેક વખત રજૂઆતો કરવા છતાં પણ કાયમી ધોરણે આ ટ્રાફિકની સમસ્યા નો કે આ વિસ્તારમાં ખડકાયેલા ગેરકાયદેસરના લારી ગલ્લા અને કેબીનો ના દબાણો દૂર કરાતા હોસ્પિટલમાં સારવાર અર્થે આવતા દર્દીઓ અને તેમના સગા સંબંધીઓ સહિત જનતા હોસ્પિટલ ના સંચાલકોને મુશ્કેલીઓ ભોગવવી પડતી હોય છે ત્યારે આ વિસ્તાર ની ટ્રાફિક સમસ્યાના કાયમી નિરા કરણ માટે તેમજ ગેરકાયદેસરના લારી ગલ્લા અને કેબીનો દૂર કરવા માટે પાલિકા તંત્ર અને પોલીસ તંત્ર સંયુક્ત રીતે કામગીરી હાથ ધરે તેવી માંગ પ્રબળ બનવા પામી છે.
અહેવાલ યશપાલ સ્વામી
