પાટણ જિલ્લા ભારતીય જનતા પાર્ટી દ્વારા નવા સર્કિટ હાઉસ ખાતે જન્મદિવસની શુભેચ્છા પાઠવતો કાર્યક્રમ યોજ્યો..
પાટણ તા. ૨૦
ગુજરાત રાજ્યના પૂર્વ મંત્રી અને પાટણના પૂર્વ ધારાસભ્ય અને 108 ના હુલામણા નામ થી જાણીતા રણછોડ ભાઈ દેસાઈ ગુરૂવારના શુભ દિને ૬૬ વર્ષ પૂર્ણ કરી ૬૭ મા વષૅ મા મંગલ પ્રવેશ કરતા પાટણ જિલ્લા અને શહેર ભારતીય જનતા પાર્ટી ના આગેવાનો તેમજ કાર્યકતૉ દ્રારા શહેરના નવા સર્કિટ હાઉસ ખાતે જન્મદિવસ શુભેચ્છા અભિવાદન કાર્યક્રમ આયોજિત કરવામાં આવ્યો હતો.
રણછોડભાઈ દેસાઈ ના જન્મદિવસની શુભેચ્છાઓ પાઠવવા પાટણ જિલ્લા ભારતીય જનતા પાર્ટીના પ્રમુખ ડો. દશરથજી ઠાકોર, મહામંત્રી ભાવેશભાઈ પટેલ, તાલુકા પ્રમુખ મગનભાઈ પટેલ, મહામંત્રી જલુજી ઠાકોર, પાટણ જિલ્લા બક્ષી પંચ મોરચા ના મંત્રી ગોવિંદ ભાઈ દેસાઈ, પ્રદેશ આગેવાન નંદાજી ઠાકોર, પાટણ નગર પાલિકા પ્રમુખ હિરલબેન અજયભાઈ પરમાર સહિત સરપંચો, ડેલીગેટો, આગેવાનો,કાયૅકરો સહિત પાટણ ના પ્રબુદ્ધ નગરજનોએ મોટી સંખ્યામાં ઉપસ્થિત રહી કેક કાપી,મો મીઠું કરાવી સાલ બુકે થી સન્માન કરી જન્મ દિવસની શુભેચ્છાઓ પાઠવી હતી.
રણછોડભાઈ દેસાઈએ પણ પોતાના જન્મદિન પ્રસંગે શુભેચ્છાઓ વ્યક્ત કરનાર પાટણ જિલ્લા ભારતીય જનતા પાર્ટીના આગેવાનો, કાર્યકરો, સરપંચો, ડેલીગેટો, પ્રદેશ આગેવાનો સહિત પાટણના પ્રબુદ્ધ નગરજનો નો સહ હ્રદય આભાર વ્યક્ત કર્યો હતો.
અહેવાલ યશપાલ સ્વામી
