સાંતલપુર ના ધોકાવાડા – બરારા રોડ પર ભરાતા વરસાદી પાણીના નિકાલ માટે ગ્રામજનોમાં માંગ ઉઠી..

ગુજરાત સરકાર દ્વારા આ વિસ્તારમાં વિકાસ કામોને વેગ આપવામાં આવી રહ્યો હોય ત્યારે વરસાદી પાણીની સમસ્યા દૂર થાય તે જરૂરી..

પાટણ તા. 10
પાટણ જિલ્લાના સાતલપુર તાલુકાના ધોકાવાડા -બરાર‍ા રોડ પર ભરાતા વરસાદી પાણીના કાયમી નિરા કરણ માટે ગ્રામજનો દ્રારા તંત્ર સમક્ષ માંગ કરવામાં આવી છે. ગ્રામજનોએ આ માર્ગ પર ભરાતા વરસાદી પાણી મામલે જણાવ્યું હતું કે સને.2019-20 મા આ રસ્તો બનાવવામા આવેલ પરંતુ ફરજ પરના ઈન્ચાર્જ એન્જિનિયર ની લાપરવાહી ના કારણે માગૅ પરનું યોગ્ય લેવલ લીધા વગર માગૅ ની કામગીરી પૂર્ણ કરવા માં આવતા દર ચોમાસામાં આ માગૅ પર વરસાદી પાણી ભરાઈ જતું હોવાના કારણે આ બન્ને ગામમાં વસવાટ કરતી વસ્તીને માગૅ પરથી પસાર થવા માટે હાલાકી ભોગવવી પડે છે.

તો આ માગૅ ચોરાડ પંથકના મહત્વના રસ્તોઓ પૈકીનો એક માગૅ છે જે આજુબાજુના 10-12 ગામો ને જોડતો છે.તો વિસ્તારના લોકો માટે આસ્થા નું કેન્દ્ર શ્રી મહાકાલી માતાજી (ચોરાડ દેવી) આલુવાસ જવા માટે પણ આ માગૅ ખુબ મહત્વનો અને ઉપયોગી છે.તો જગ પ્રસિદ્ધ અને ગુજરાતભર મા એક માત્ર કપિલ ભગવાન અને પાંડવો તેમજ દ્રોપદી માતાજીનું મંદીર પણ આલુવાસ મુકામે સ્થાપિત છે

તો ચંડેશ્વર મહાદેવ (પિતૃ તર્પણ) અને પ્રાચીન મંદીર ને જોડતો આ મહત્વનો માગૅ છે.ત્યારે હિન્દુ ધર્મ ની શ્રધ્ધા થી જોડાયેલા આ માગૅ પર ચોમાસામા વરસાદી પાણી ભરાવાથી ભારે હાલાકી નો સામનો કરવો પડે છે. ભારતીય લશ્કર માટે પણ આ રસ્તો ખુબ મહત્વનો છે. BSF માટે જાખોત્રા- એવાલ BOP, ઝઝામ BOP, ફાંગલી BOP, અને મોવાણા BOP ને જોડતો એક માત્ર આ રસ્તો હોવાથી ચોમાસા મા સૈનિકો ને પણ મુશ્કેલીઓ ભોગવવી પડે છે.

સને.2011 મ‍ા એશિયા નો સૌથી મોટો સોલાર પ્લાન્ટ ચારણકા મુકામે કાર્યરત કરવામા આવેલ તેમજ 2023 મા એવાલ મુકામે રણ સફારી નો પ્રોજેક્ટ કાર્યરત કરેલ હોય બન્ને પ્રોજેકટ ને જોડતો આ રસ્તો હોવા થી દેશ -વિદેશ ના પર્યટનકો ને ચોમાસા મા ખુબ હાલાકી નો સામનો કરવો પડે છે. વિસ્તાર માં માત્ર 2 જ ઉચ્ચતર માધ્યમિક સંકુલો આવેલ હોવાથી વિદ્યાર્થીઓને પણ હાલાકી ભોગવવી પડે છે. ગુજરાત સરકાર આ વિસ્તારમાં વિકાસ ના કામો ને વેગ આપતી હોય ત્યારે આ માગૅ પર ભરાતા વરસાદી પાણી ના નિકાલ બાબતે યોગ્ય કરે તેવી માગ ગ્રામજનોમાં પ્રબળ બની છે.

અહેવાલ યશપાલ સ્વામી