પાટણ તા. ૭
હેમચંદ્રાચાર્ય ઉ.ગુજરાત યુનિવર્સિટી ની કમિટી અગેસ્ટ સેક્સયૂઅલ હરેસમેન્ટ (કેશ) દ્વારા રિફાર્મિંગ સોસાયટી વાયા જેન્ડરાઇઝેશન વિષય પર બુધવારે રાજયકક્ષા નો સેમિનાર યોજાયો હતો.
યુનિવર્સિટી કુલપતિ કે.સી. પોરીયા ના અધ્યક્ષ સ્થાને તેમજ કુલ સચિવ ડો. રોહિતભાઈ એન. દેસાઈ ની વિશેષ ઉપસ્થિતિમાં આયોજિત સેમિનાર માં કુલપતિ દ્વારા શિક્ષણ તેમજ જાગૃરકતા સાથે સમાજમાં કેવી રીતે જાતીય સમાનતા લાવી શકાય તેના વિશે વક્તવ્ય આપવામાં આવ્યું હતું.
સેમિનાર માં સ્પેશિયલ ગેસ્ટ તરીકે ડો. મનીષા શાહ પ્રિન્સિપાલ આર્ટસ એન્ડ સાયન્સ કોલેજ, હારીજ દ્વારા વિદ્યાર્થીઓને નવા સમાજના નિર્માણ માટે કેવી રીતે જેન્ડર સેન્સિટાઇઝ થઈ મહિલા તેમજ પુરુષને સમાન અવસર અને આઝાદી મળે તેવા સમાજની રચના કરવા માટે માર્ગદર્શન આપવામાં આવ્યું હતું. ડૉ. સ્મિતા વ્યાસ દ્વારા વિવિધ ઉદાહરણ આપી સમાજમાં કઈ કઈ અસંગતતા છે તે બતાવી કાયદાકીય રીતે જાતીય સમાનતા માટે કયા કયા એક્ટ સરકાર દ્વારા બનાવવામાં આવેલ છે તેની સચોટ માહિતી આપવામાં આવી હતી.
કાર્યક્રમ માં જેન્ડર ચેમ્પિયન્સ બનાવવા માટે લેખિત પરીક્ષાનું આયોજન કરવામાં આવ્યું હતું જેમાં લગભગ 125 વિદ્યાર્થીઓએ ભાગ લીધો હતો. સેમિનાર ના કન્વીનર તેમજ કેશ કમિટીના ચેર પર્સન પ્રો. સંગીતા શર્મા દ્વારા કમિટી ના કાર્યો વિશેની માહિતી રજુ કરી હતી. સેમિનારમાં વિવિધ વિભાગો માંથી 175 જેટલા વિદ્યાર્થીઓએ ભાગ લીધો હતો.
અહેવાલ યશપાલ સ્વામી
