પ્રસિદ્ધ યાત્રાધામ સમાન નોરતા ગામે દોલતરામ બાપુ આશ્રમ પરિવાર દ્વારા બ્રહ્મ સમાજના આગેવાનોનું સન્માન કરાયું..

બ્રહ્મ સમાજના સન્માનનો સમસ્ત ગુજરાત બ્રહ્મ સમાજના પાટણ જિલ્લા પ્રમુખ પિયુષભાઈ આચાર્યએ આભાર વ્યક્ત કર્યો..

પાટણ તા. ૧૯
પાટણ સમીપ આવેલા પ્રસિદ્ધ યાત્રા ધામ સમા નોરતા ગામે પરમ પૂજ્ય શ્રી દોલતરામ બાપુ આશ્રમ ખાતે પૂજ્ય દોલતરામ બાપુ અને પૂજ્ય વિશ્વ ભારતીજી મહારાજ ના સાનિધ્ય માં પાટણના વિદ્વાન ભૂદેવોને સન્માનિત કરવાનો કાર્યક્રમ આયોજિત કરવામાં આવ્યો હતો. શ્રી દોલતરામ બાપુ આશ્રમ ખાતે આયોજિત કરાયેલા આ સન્માન કાર્યક્રમમાં ઉપસ્થિત રહેલા સમસ્ત ગુજરાત બ્રહ્મ સમાજ પાટણ જિલ્લાના પ્રમુખ અને જગન્નાથ મંદિર ટ્રસ્ટના મેનેજિંગ ટ્રસ્ટી પિયુષ ભાઈ આચાર્ય દ્વારા સમસ્ત બ્રહ્મ સમાજ વતી પરમ પૂજ્ય દોલતરામજી મહારાજ અને પરમ પૂજ્ય વિશ્વ ભારતીજી મહારાજનું સાલ તેમજ પ્રાર્થના પુસ્તિકા, આનંદનો ગરબો સહિતની ભેટ સોગાદો અર્પણ કરી સંતોના રૂડા આશીર્વાદ પ્રાપ્ત કર્યા હતા.

આ પ્રસંગે પિયુષભાઈ એ પોતાના વક્તવ્યમાં દોલત રામ બાપુની વ્યસન મુક્તિ અભિયાનની સાથે ગૌ સેવા ઉપર પંચમુખી હનુમાન મહંત નો દાખલો આપી કહ્યું હતું કે મહંત નર્મદા ગીરી મહારાજ નું અનુકરણ કરી ને પ. પુ. દોલતરામ બાપુ એ પણ ગૌ ભક્તો ને ગાયો ની સેવા કરવાની પ્રેરણા આપી હોવાનું જણાવી તેઓની સેવા પ્રવૃતિની મુક્તમને પ્રશંસા કરી બાપુ ની માનવ કલ્યાણની અનેક વિધ પ્રવૃત્તિઓને તેઓએ બિરદાવી હતી.

સાથે સાથે બાપુ ની કોરોના કાળ સમયે અનેક વિધ સેવા પ્રવૃત્તિ થકી હજારો ગરીબો ને ભોજન ની સુવિધા આપવા ની પ્રવૃતિએ એક નાનકડા નોરતા જેવા ગામની નોંધ વિશ્વની સર્વોચ્ય આરોગ્ય
સંસ્થા દ્રારા વલ્ડૅ બુક ઓફ રેકોર્ડ નું બાપુ ને સન્માન પત્ર આપ્યું હોય જે પણ એક ગૌરવ ની બાબત તેઓએ લેખાવી હતી.

આ પ્રસંગે જગન્નાથ મંદિરના ટ્રસ્ટી અને નિભાવ દૈનિક ના તંત્રી અશ્વિનભાઈ જોષી,જયહિંદ દૈનિક ના પાટણ જિલ્લા રિપોર્ટર અને પાટણ સ્થિત પાટણવાડા બ્રહ્મ સમાજના પ્રમુખ અમૃતલાલ મહેતા એ પણ બાપુ નું હુંફાળું સન્માન કર્યું હતું. નોરતા ધામે પરમ પૂજ્ય દોલતરામ બાપુ અને પરમ પૂજ્ય વિશ્વ ભારતીજી મહારાજ દ્વારા આયોજિત બ્રહ્મ સમાજ ના આગેવાનો ના સન્માન કાર્યક્રમમાં ઉપસ્થિત સૌ આગેવાનો નું દોલતરામ બાપુ આશ્રમ પરિવાર દ્વારા સન્માન કરી સંતોએ રૂડા આશીર્વાદ  પાઠવ્યા હતા.

અહેવાલ યશપાલ સ્વામી