અંડરપાસ મા ભરાયેલ વરસાદી પાણીનો તાત્કાલિક નિકાલ લાવવા રેલવે તંત્ર ને પ્રાંત દ્રારા નોટિસ ફટકારવામાં આવી..

પાટણ તા. ૨૨
ચાણસ્મા તાલુકાનાં મંડલોપ, ભાટસર, ઇસ્લામપુરા, બ્રાહ્મણવાડા અને સોજિંત્રા એમ પાંચ ગામો માંથી પસાર થતી ચાણસ્મા -બેચરાજી ની રેલ્વેની બ્રોડગેજ લાઈન નાંખવાની કામગીરી દરમ્યાન રેલ્વે દ્વારા ઉપરોકત ગામોનાં જુના રેલ્વે ફાટકોનાં સ્થાને બનાવેલા અંડરપાસ માં પાંચ ફૂટ વરસાદી પાણી ભરાઈ જતાં હોવાથી આ પાણીનો 2 દિવસમાં નિકાલ કરવા તથા અંડર
પાસની બાજુનાં ભાગમાં પાકા આર. સી. સી. રોડ બનાવી વ્યવસ્થિત ઢાળ આપી અંડરપાસ માંથી વરસાદી પાણીનો કાયમી નિકાલ કરવા પાટણ પ્રાંત અધિકારી વ સબ ડિવિઝનલ મેજિસ્ટ્રેટ મિતુલ પટેલે રેલવેના સિનિયર એક્ઝિક્યુટીવ એન્જીનીયર ને પાંચેય ગામનાં અંડરપાસ માટે નોટિસો આપી હોવાનું જાણવા મળ્યું છે.

આ નોટિસો ભારતીય નાગરીક સુરક્ષા સંહિતા 2023ની કલમ 152 અને 160 તથા ભારતીય ન્યાય સંહિતા ની કલમ 223 અંતર્ગત આપી છે.પાટણનાં પ્રાંત અધિકારી મિતુલ પટેલે જણાવ્યું હતું કે, વહિવટીતંત્ર દ્વારા ચાણસ્મા નાં પાંચ ગામોમાં યોજાયેલી રાત્રિ સભામાં અમારા અધિકારીઓ સમક્ષ જે તે ગામનાં સરપંચો અને અગ્રણીઓની અંડરપાસ મામલે રજૂઆતો અપાતી હતી. જે અંગે પાટણ જિલ્લા કલેક્ટરની જિલ્લાસંકલન બેઠકમાં આ પ્રશ્ન અંગે ચર્ચા થઇ હતી.

આ બેઠકમાં ઉપસ્થિત ચાણસ્મા – બહુચરાજી રેલ્વે લાઇનનાં રેલ્વે અધિકારીઓને હાજર રખાવી
ને ઉપરોકત ચર્ચા કરીને આ અંડરપાસ માંથી બે દિવસમાં પાણી નો નિકાલ કરવા સુચના આપી છે. તથા તેમાં સી.સી. રોડ બનાવવા જણાવી આ અંગે પ્રાંત અધિકારીએ વધુમાં જણાવ્યું કે, અમારી કચેરી તરફથી રેલ્વે અધિકારીને નોટિસ ઇસ્યુ કરાઈ છે. આ નોટિસોમાં જણાવાયા મુજબ ચાણસ્મા તાલુકાનાં પાંચ ગામોકે જ્યાંથી ચાણસ્મા, બેચરાજી બ્રોડગેજ રેલ્વે લાઇન પસાર થાય છે તે પાંચ ગામો મંડલોપ, ભાટસર, ઇસ્લામપુરા, બ્રાહ્મણવાડા અને સોજિંત્રાનાં ગ્રામજનો તરફથી મળેલી ફરિયાદો આધારે આ નામ અંડરપાસનાં પંચનામા કરાયા હતા.

નોટિસોમાં જે તે ગામોનાં ઉલ્લેખ કરીને રેલ્વે તંત્રને તાકિદ કરાઇ છે કે, ચાણસ્મામાં મંડલોપ સહિતનાં પાંચ ગામોમાં ગામતળને અડીને ચાણસ્મા થી બેચરાજી રેલ્વે લાઇનનું કામ રેલ્વે વિભાગ દ્વારા બે વર્ષથી કામગીરી ચાલુ છે. આ ગામોથી પશ્ચિમ દિશા તરફ લક્ષ્મીપુરા, બ્રાહ્મણવાડા, ખોરસમ, ધરમોડા ગામને જોડતા રસ્તામાં રેલ્વે વિભાગ દ્વારા અંડરપાસ બનાવવામાં આવેલ છે. જેથી આ અંડરપાસમાંથી ખેડૂતો, ગ્રામજનોની અને વિદ્યાર્થીઓની વાહન મારફતે સદર રોડ થઇ ચાણસ્મા મુકામે આવે છે.

આ અંડરપાસની બંને બાજુના પાકા રોડને જોડતો વ્યવસ્થિત ઢાળ કે આર.સી.સી. રોડ કરેલ નથી. જેથી વધુ વરસાદ આવવાથી અંડરપાસમાં 5 ફૂટ પાણી ભરાઈ જાય છે અને આ રસ્તો બંધ થઇ જવા પામે છે. જેનાં કારણે ખેડૂતો, ગ્રામજનો અને વિદ્યાર્થીઓને અંડરપાસમાં અવર જવર કરી શકતા નથી. આ ત્રાસ દાયક બાબત દુર કરવી જરુરી છે. આ અંડરપાસની બંને બાજુના પાકા રોડને જોડતો વ્યવસ્થિત ઢાળ કે આર.સી.સી. રોડ કરેલ નથી. જેથી વધુ વરસાદ આવવાથી અંડરપાસમાં 5 ફૂટ પાણી ભરાઈ જાય છે અને આ રસ્તો બંધ થઇ જવા પામે છે.

જેનાં કારણે ખેડૂતો, ગ્રામજનો અને વિદ્યાર્થીઓને અંડરપાસમાં અવર જવર કરી શકતા નથી. આ ત્રાસ દાયક બાબત દુર કરવી જરુરી છે.ચાણસ્મા તાલુકામાં મંડલોપ સહિતનાં પાંચ ગામની ફાટકો બંધ કરવા માટે પાટણ જિલ્લા મેજીસ્ટ્રેટ તરફથી પરવાનગી આપવામાં આવેલ નહીં હોવા છતાં આ રસ્તો બંધ કરીને ખુબ નિચાણવાળા અંડરપાસ બનાવવા માં આવેલ છે. પાટણ નાં પ્રાંત અધિકારીએ રેલ્વેને આદેશ આપ્યો છે કે, રેલ્વે અંડરપાસની બાજુના ભાગમાં પાકા આર.સી.સી. રોડ બનાવી વ્યવસ્થિત ઢાળ આપી અંડરપાસમાંથી વરસાદી પાણીનો નિકાલ કાયમી ધોરણે નિકાલ કરવામાં આવે તો આ બાબતનો કાયમી નિકાલ થઇ શકે તેમ છે. આ નોટીસ મળેથી દિન- 30માં તે રીતે ત્રાસ દાયક બાબત કાયમી નિકાલ કરવા જણાવવામાં આવે છે.

તેમજ અંડરપાસમાં ભરાયેલ પાણીનો નિકાલ દિન-2 માં કરવા જણાવવા માં આવ્યું છે. આ આદેશની અવગણ ના કરવી એ ભારતીય ન્યાય સંહિતા ની કલમ 223માં ઠરાવેલી શિક્ષાને પાત્ર છે અને તેમાં તમો સામે પોલીસ ફરિયાદ કરવામાં આવશે, જે ધ્યાને લેવા જણાવાયું છે. આ ત્રાસદાયક કૃત્ય બંધ કરવાના આદેશના અનાદર ને કારણે લેવાતા કાયદેસર પગલા સબ ભારતીય નાગરીક સુરક્ષા સંહિતા 2023ની કલમ 160 મુજબ રેલ્વેની માલિકીની માલ-મિલકત કે જંગમ મિલકત જપ્તીમાં લઇ તેનું વેચાણ કરી ખર્ચ વસુલ કરી શકાય છે જે ધ્યાને લેશો. વધુ માં આ બાબતે રેલ્વે વિભાગ કોઈ રજુઆત કરવા માંગતા હોય તો પાટણની પ્રાંત કચેરી ખાતે તા. 24-10-2024ના રોજ 11 કલાકે રુબરુ હાજર રહી ખુલાસો રજુ કરવા અન્યથા તેમની ગેરહાજરી ગણી એક તરફી નિર્ણય લઇ કાયદેસર ની કાર્યવાહી કરવામાં આવશે તેમ તેઓએ જણાવ્યું હતું.

અહેવાલ યશપાલ સ્વામી