બાકી વેરા મિલકત ઘારકોમાં પાલિકાની વસુલાત ઝુંબેશને લઈને ફફડાટ વ્યાપ્યો..
પાટણ તા. 21
માર્ચ એન્ડિંગને લઈને રાધનપુર નગરપાલિકા દ્વારા બાકી વેરા મિલકત ધારકો પાસેથી બાકી વેરા વસુલાત ની ઝુંબેશ સ્વરૂપે કામગીરી હાથ ધરતા બાકી વેરા મિલકત ઘારકોમાં સનસનાટી મચી જવા પામી છે.
તો બાકી વેરા મિલકત ધારકો પણ પોતાના કનેક્શન કપાય તે પહેલા મિલકત વેરા ની રકમ ભરપાઈ કરવા પાલિકા ખાતે દોડી રહ્યા છે. રાધનપુર નગરપાલિકા દ્વારા માર્ચ મહિના ને હિસાબી મહિના તરીકે ધ્યાનમાં રાખીને શહેરમાં બાકી વેરા મિલકત ધારકોના વેરાની ઉઘરાણી કડક બનાવવામાં આવી છે.
રાધનપુર નગરપાલિકા ની ચાલુ વેરાની લેણી રકમ રૂપિયા 5.31 કરોડ, પાછલી બાકી વેરાની લેણી રકમ રૂપિયા 4.48 કરોડ તેમજ વસૂલાત કરાયેલ વેરાની રકમ રૂપિયા 1.28 કરોડની થઈ હોવાનું નગરપાલિકાના સૂત્રોએ જણાવ્યું હતું. રાધનપુર નગરપાલિકા દ્વારા બાકી વેરા મિલકત ધારકોની વેરા વસુલાતની ઝુંબેશ ને લઈને બાકી વેરા મિલકત ઘારકોમાં ફફડાટ વ્યાપી જવા પામ્યો છે અને બાકી વેરા મિલકત ધારકો પણ પોતાના વેરા ભરપાઈ કરવા માટે નગરપાલિકા ખાતે પહોંચી રહ્યા હોવાનું જાણવા મળી રહ્યું છે.
