પાટણ તા. 7
ગઇ કાલ શનિવારે પાટણ જિલ્લાના રાધનપુર શહેરમાં હાઈવે પર ના શોપિંગ સેન્ટરમાં લગ્ન ની ખરીદી માટે આવેલા વરરાજાને ધોળા દિવસે છરીના ધા મારી મોતને ઘાટ ઉતારી ફરાર થયેલા આરોપી ને પાટણ એલસીબી ટીમે ગણતરીના કલાકોમાં ઝડપી આગળ ની કાયૅવાહી માટે રાધનપુર પોલીસ ને સોપવામાં આવ્યો હોવાનું જાણવા મળ્યું છે.
આ બાબતે પોલીસ તરફ થી મળતી હકીકત મુજબ પાટણ જિલ્લાના સમી તાલુકાના અમરાપુર ગામે રહેતા અને રવિવારના રોજ જેના લગ્ન હતા તે નિરાશ્રીત ઠાકોર વિપુલ પોતાના લગ્નની ખરીદી માટે શનિવારે રાધનપુર હાઇવે પરના શોપિંગ સેન્ટરમાં આવ્યો હતો. અને ખરીદી કરી હાઇવે પર ઉભો હતો ત્યારે જૂની અદાવત રાખી તેઓના સમાજના યુવાને તેની ઉપર છરી વડે હુમલો કરી મોતને ઘાટ ઉતારી ફરાર થઈ ગયો હતો.
જે બાબતની રાધનપુર પોલીસ મથકે ફરિયાદ નોંધાતા અને ગુનાની ગંભીરતા સમજી આરોપી ને તાત્કાલિક ઝડપી લેવા જિલ્લા પોલીસ વડાના આદેશ મુજબ પાટણ એલસીબી પીઆઇ અમીનના માર્ગદર્શન હેઠળ ટીમ દ્વારા રાધનપુર વિસ્તારમાં સધન પેટ્રોલિંગ હાથ ધરવામાં આવ્યું હતું.
તે દરમ્યાન મળેલ બાતમી હકીકત આધારે આ કામનો આરોપી કોળી ઇશ્ર્વરભાઇ પ્રભુભાઇ છગનભાઇ ઉ.વ-૨૨ રહે.રાફુ (કૈલાષપુરા) તા. સમી જી. પાટણ વાળાને મોટીપીપળી તા. રાધનપુર ગામે આવેલ બસસ્ટેન્ડ પાછળ થી પકડી પાડી આરોપીને સી.આર.પી.સી કલમ- ૪૧ (૧) (આઇ) મુજબ અટક કરી આગળ ની કાર્યવાહી સારૂ રાધનપુર પો.સ્ટે. ખાતે સોંપવા માં આવ્યો હોવાનું પોલીસ દ્વારા જણાવાયું હતું.
