સાત સીલીંગ પંખા અને બે ટેબલ પંખા શાળા પરિવારને ભેટ મળતા શાળા પરિવારે ડો.વ્યોમેશ શાહ સહિત પરિવારનો આભાર વ્યક્ત કર્યો..
પાટણ તા.7 પાટણ શહેરના જાણીતા ગાયનેક ડો.વ્યોમેશ એમ. શાહ દ્વારા પોતાના માદરે વતન એવા સરસ્વતી તાલુકાના બાલુવા ગામની પ્રાથમિક શાળાને સોમવારના રોજ સાત સીલીંગ પંખા અને બે ટેબલ પંખા ની ભેટ ધરવામાં આવતાં સમગ્ર શાળા પરિવારે ડો. વ્યોમેશ શાહ સહિત તેઓના પરિવારનો આભાર વ્યક્ત કર્યો હતો.
પાટણ શહેરના જાણીતા ગાયનેક તબીબ ડો. વી. એમ. શાહ દ્રારા છેલ્લા 22 વષૅ થી પોતાના માધરે વતન બાલુવા પ્રાથમિક શાળા મા અભ્યાસ કરતા ધો.1 થી 8 ના વિધાર્થીઓને શૈક્ષણિક કીટની ભેટ અપૅણ કરવામાં આવે છે ત્યારે ચાલુ સાલે પણ ડો. વી.એમ.શાહ દ્વારા બાલુવા પ્રાથમિક શાળા ખાતે વિધાર્થીઓને શૈક્ષણિક કીટ અપૅણ કરવામાં આવી હતી.
આ પ્રસંગે શાળાના ઓરડાઓ માં ઉનાળાના સમયમાં વિદ્યાર્થીઓને પંખા વગર ભોગવી પડતી હાલાકી બાબતે શાળાના આચાર્ય દ્વારા ડો.વી.એમ.શાહનું ધ્યાન દોરતા ડો. વી. એમ શાહે સોમવારના રોજ પોતાના માદરે વતનની શાળાને સાત સીલીંગ પંખા અને બે ટેબલ પંખા અપૅણ કરતા શાળા પરિવાર સહિત વિદ્યાર્થીઓએ ડો.વ્યોમેશ શાહની પોતાના વતન પ્રત્યેના પ્રેમ અને લાગણીને સરાહનીય લેખાવી આભાર વ્યક્ત કર્યો હતો.
અહેવાલ યશપાલ સ્વામી