પાટણ તા. ૧૨
પાટણની હેમચંદ્રાચાર્ય ઉત્તર ગુજરાત યુનિવર્સિટ, ના હોસ્પિટલ મેનેજમેન્ટ વિભાગ દ્વારા કા. કુલપતિ ડૉ. રોહિતકુમાર એન. દેસાઇના માર્ગદર્શન હેઠળ ભારતીય રિઝર્વ બેન્ક લોકપાલ યોજના અને સુરક્ષિત બેન્ક વ્યવહારના વિષય અંતર્ગત વિદ્યાર્થી જાગૃતિ અંગેના પ્રોગ્રામનું મંગળવારે આયોજન કરવામાં આવ્યું હતું.
આ પ્રસંગે હોસ્પિટલ મેનેજમેન્ટ વિભાગના વડા ડૉ. કે. કે. પટેલ દ્વારા મહેમાનોનું શાબ્દિક સ્વાગત કરવા માં આવ્યું હતું.
જેમાં મુખ્ય મહેમાન તરીકે ભારતીય રીઝર્વ બેન્કના સહાયક મહાપ્રબંધક ભુપેન્દ્રભાઈ ત્રિપાઠી, લાઈફ સાયન્સ વિભાગના વડા ડૉ. એસ. એ. ભટ્ટએ પ્રાસંગિક ઉદ્દબોધન આપ્યું હતું. જેમા બેન્કના વ્યવહારને લગતી સમસ્યા માટે લાભાર્થીએ પ્રાથમિક સ્તરે જે તે બેન્કનો સંપર્ક કરવો અને તેમાં પછી ભારતીય રિઝર્વ બેન્કનો સંપર્ક કરવો તે વાત ઉપર ખાસ ભાર મૂકવામાં આવ્યો હતો. તેમજ ઓનલાઇન રૂપિયાની લેવડ-દેવડ કરતી વખતે સુરક્ષાના ભાગરૂપે રાખવામા આવતી તકેદારીઓને સવિસ્તાર સમજાવવામાં આવી હતી.
“આર.બી.આઈ. લોકપાલ કહેતા હૈ” ની ઝૂંબેશ અંતર્ગત પ્રોગ્રામના બીજા ભાગમાં ક્વિઝનું આયોજન કરવામાં આવ્યું હતું. જેમાં પ્રથમ સાત વિદ્યાર્થીઓને પુરષ્કાર તરીકે ઈનામ આપવામાં આવ્યા હતા. આ પ્રોગ્રામમાં વિવિધ વિભાગોના વિદ્યાર્થીઓએ બહોળા પ્રમાણ હાજરી આપી. હોસ્પિટલ મેનેજ મેન્ટ વિભાગના અધ્યાપક ડૉ.સુષ્માન શર્મા, ડૉ.નિમેષ ભોજક, ડૉ.કિંજલ જાની, જીતેન્દ્રભાઈ દેસાઇ તેમજ સ્ટાફ મિત્રો દ્વારા આ સમગ્ર પ્રોગ્રામનું સફળ આયોજન કરવામાં આવ્યું હતું.
અહેવાલ યશપાલ સ્વામી
