પાટણ તા. ૨૨
પાટણના કિલાચંદ શોપિંગ સેન્ટરમાં આવેલ ડો.સુરેશભાઈ ઠકકર ની આસ્થા કીડની હોસ્પિટલમાં સિધ્ધાર્થ બારોટ નામના વ્યકિતએ તા.૧૮/૭/ ૨૦૨૧ ના રોજ પથરીનું ઓપરેશન કરાવેલ જે ઓપરેશનના બીલ ની રકમ રૂા.૮૦,૨૦૦/- પૈકીના સિધ્ધાર્થ બારોટે રૂા.૮૦,૦૦૦/- નો ચેક તેમજ રૂા.૨૦૦ રોકડા હોસ્પિટલ માં આપ્યા હતા.
જે ચેક રીટર્ન થતા આસ્થા હોસ્પિટલના વહીવટકર્તાએ નોટીસ આપતા રૂા. ૩૦,૦૦૦/- રોકડા ચુકવી બાકીના ૫૦,૦૦૦/ નો નવો ચેક આપેલ જે ચેક પણ રીર્ટન થતા આ મામલે હોસ્પિટલકતૉએ પાટણની કોર્ટમાં ઘી નેગોસીયેબલ ઇન્સ્ટ્રુમેન્ટની કલમ ૧૩૮ મુજબ ગુનો દાખલ કરાવતા કોર્ટે આરોપી સિધ્ધાર્થ બારોટને એક વર્ષની કેદ અને રૂા.૫૦ હજારનો દંડ ભરવા હુકમ કરેલ અને જો દંડ ન ભરે તો વધુ ૬ માસ ની કેદની સજાનો હુકમ કર્યો હતો.
આ અંગેની વિગત એવી છે કે, તા.૧૮/૭/૨૦૨૧ ના રોજ પાટણની આસ્થા કીડની હોસ્પિટલ એન્ડ સ્ટોન કલીનીકમાં પાટણની આસોપાલવ સોસાયટીમાં રહેતા સિધ્ધાર્થ જયંતિભાઈ બારોટે ડો.સુરેશભાઈ ઠકકર પાસે પોતાનું પથરીનું ઓપરેશન કરાવેલ. ઓપરેશનનો ખર્ચ રૂા.૮૦,૨૦૦/ થયેલ.જે ખચૅ પેટે દર્દીએ ઓપરેશન પેટે રૂા.૨૦૦/- રોકડા ચુકવી બાકીની રકમ રૂ.૮૦,૦૦૦/-નો ચેક સરદારગંજ બેંકનો આપેલ જે ચેક અપુરતા બેલેન્સના કારણે તે સમયે રીટર્ન થયેલ.
આ મામલે હોસ્પિટલના વહીવટકર્તા નારણભાઈ ઠકકરે કાયદેસરની નોટીસ આપી કોર્ટમાં કેસ દાખલ કરતા આરોપી સિધ્ધાર્થ બારોટે રૂા.૩૦,૦૦૦/- રોકડા ચુકવી બાકીના રૂા.૫૦,૦૦૦/-ની રકમનો આઈ ડી બી આઈ બેંક મહેસાણા શાખાનો ચેક આપેલ. આ ચેક પણ અપુરતા બેલેન્સના કારણે પરત ફરતા ફરીયાદી નારણભાઈ ઠકકરે લીગલ નોટીસ આપ્યા બાદ પાટણની કોર્ટમાં ગુનો દાખલ થતા ગત તા. ૧૪ / ૦૫ / ૨૦૨૪ ના રોજ પાટણની ત્રીજા એડી.સીની. સીવીલ જજ એડી.ચીફ.જયુ.મેજી.ની કોર્ટે આરોપી સિધ્ધાર્થ બારોટને તકસીરવાર ઠેરવી એક વર્ષની સાદી કેદ અને રૂા.૫૦,૦૦૦/-નો દંડ ફટકારી જો રૂ. ૫૦, ૦૦૦/- નો દંડ આરોપી ન ભરે તો વધુ ૬ માસની સાદી કેદનો હુકમ કરવામાં આવ્યો હતો. આ કેસમાં ફરીયાદી ના વકીલ તરીકે એસ.બી.પટેલે ધારદાર દલીલો કરી હતી.
અહેવાલ યશપાલ શ્યામી
