પાટણ તા. 6
પાટણ જિલ્લા પોલીસ અધિક્ષક ડૉ. રવિન્દ્ર પટેલ નાઓએ પાટણ જિલ્લામાં ગે.કા અસામાજીક પ્રવૃત્તિ કરવાની ટેવવાળા ઇસમો વિરૂધ્ધ પાસા હેઠળ કાર્યવાહી કરવા કરેલ સુચના આધારે પાટણ જિલ્લામાં વિદેશી દારૂની હેરાફેરી કરતાં બનાસકાંઠા જિલ્લાના પ્રોહી બુટલેગર્સ વાઘેલા (ઠાકોર) સ્વરૂપજી બાબુજી વિરચંદજી ઉ.વ.૩૦ રહે.પાદર ઠાકોર વાસ તા.કાંકરેજ જી.બનાસકાંઠા તથા લુદરીયા (ઠાકોર) જયેશજી ભાવાજી ગેમરજી ઉ.વ.૨૬ રહે.માંડલા તા.કાંકરેજ જી.બનાસકાંઠા વાળાઓ વિરૂધ્ધમાં તેઓના ગુનાહિત ઈતિહાસ ચકાસી તે ગુનાઓ આધારે પી.સી.સી. સેલ એલ.સી.બી પાટણ દ્વારા પાસા દરખાસ્ત તૈયાર કરી મોકલી આપતા જીલ્લા મેજીસ્ટ્રેટ પાટણ નાઓએ પાસા હેઠળ અટકાયત કરી વાઘેલા (ઠાકોર) સ્વરૂપજી બાબુજી વિરચંદજીને મધ્યસ્થ અમરેલી તથા (ઠાકોર) જયેશજી ભાવાજી ગેમરજીને મધ્યસ્થ જેલ ભાવનગર ખાતે મોકલી આપવા હુકમ કરેલ હોઇ જે આધારે પોલીસ અધિક્ષક, પાટણ નાઓએ સામાવાળાઓને શોધી કાઢવા કરેલ સુચના આધારે એલ.સી.બી પાટણના પોલીસ અધિકારી અને કર્મચારીઓ દ્વારા બન્ને બુટલેગર્સ ને શોધી પકડી લાવી તા.૦૫/૦૯/૨૦૨૪ ના રોજ બન્ને ઈસમોને મધ્યસ્થ જેલ અમરેલી તથા મધ્યસ્થ જેલ ભાવનગર ખાતે મોકલી આપવા તજવીજ હાથ ધરી હોવાનું પોલીસ સુત્રો તરફથી જાણવા મળ્યુ છે.
અહેવાલ યશપાલ સ્વામી
