પાટણ શહેર સહિત સમગ્ર જિલ્લામાં આકસ્મિક બનતા આગના બનાવો સમયે આ ફાયર સુવિધા ઉપયોગી બનશે.
પાટણ તા. 8
પાટણ નગરપાલિકા દ્વારા શહેરના સિદ્ધિ સરોવરની નજીક રૂ. 7.12 કરોડના ખર્ચે તૈયાર થનારા જિલ્લા કક્ષાના ફાયર સ્ટેશન નું ખાતમુહૂર્ત રવિવારના રોજ ગુજરાત પ્રદેશ ભારતીય જનતા પાર્ટીના સદસ્યતા અભિયાનના સંયોજક કે.સી.પટેલ ની વિશેષ ઉપસ્થિતિ માં પાટણ નગરપાલિકા પ્રમુખ, કારોબારી ચેરમેન સહિત સભ્યો દ્વારા ખાતમુહૂર્ત કરવામાં આવ્યું હતું. પાટણ નગરપાલિકા દ્વારા રૂ. 7.12 કરોડના ખર્ચે તૈયાર થનાર જિલ્લા કક્ષાના ફાયર સ્ટેશન ના ખાતમુહૂર્ત પ્રસંગે ઉપસ્થિત રહેલા કે સી પટેલે જણાવ્યું હતું
કે જિલ્લા કક્ષાના નિર્માણ પામનાર આ ફાયર સ્ટેશન ના કારણે આખા જિલ્લા ની અંદર ક્યારે પણ કોઈ પણ પ્રકારની આકસ્મિક આગ લાગવાના પ્રસંગો બને ત્યારે એ આગ ઓલવવા માટે આ ફાયર સ્ટેશન મા ઉપલબ્ધ બનનારા અગ્નિ સામક સાધનો ખુબ ઉપકારક બનશે તેવું જણાવ્યું હતું.
પાટણ નગરપાલિકા દ્વારા સિદ્ધિ સરોવર નજીક 100 × 50 ચોરસ મીટર મા આકાર પામનાર જિલ્લા કક્ષાનું અધતન સાધન સુવિધા સાથેનું ફાયર સ્ટેશન સવા વર્ષની અંદર તૈયાર કરવામાં આવશે તેવું જય કોર્પોરેશનના કોન્ટ્રાક્ટર દિલીપ પટેલે જણાવ્યું હતું.
પાટણ ખાતે રવિવારે આયોજિત કરાયેલા જિલ્લા કક્ષાના ફાયર સ્ટેશનના ખાતમુહૂર્ત કાર્યક્રમમાં કે. સી. પટેલ, શહેર ભાજપ પ્રમુખ કિશોર ભાઈ મહેશ્વરી, પાલિકા પ્રમુખ હિરલબેન પરમાર, કારોબારી ચેરમેન મુકેશભાઈ પટેલ, બાંધકામ સમિતિના ચેરમેન મહેશભાઈ પટેલ સહિત કોર્પોરેટર મનોજ પટેલ, દેવચંદભાઈ પટેલ, હેમત તન્ના સહિતના નગરસેવકો અને પાટણના પ્રબુદ્ધ નગરજનો ઉપસ્થિત રહ્યા હતા.
અહેવાલ યશપાલ સ્વામી
