પાટણ તા. 21 પાટણ શહેર સહેજ જિલ્લાના વિવિધ ગુનાઓમાં સંડોવાયેલા અને પોલીસ પકડથી નાસ્તા ફરતા આરોપીને ઝડપી લેવા જિલ્લા પોલીસવડા ની સૂચના અનુસાર પોલીસ વિભાગે ચક્રો ગતિમાન બનાવ્યા છે ત્યારે સાતલપુર પોલીસે પાટણ મહેસાણા અને રાજસ્થાન પોલીસ સ્ટેશનના વિવિધ ગુનાઓમાં સંડોવાયેલા અને પોલીસ પકડથી ભાગતા ફરતા આરોપીને જબ્બે કરી કાયદેસરની કાર્યવાહી હાથ ધરી હોવાનું પોલીસ સુત્રો તરફથી જાણવા મળ્યું છે. આ બાબતે મળતી હકીકત મુજબ રાજસ્થાન રાજયના બેકરીયા પો.સ્ટે.ના એન. ડી. પી. એસ. એકટ હેઠળના ગુનામાં છેલ્લા 17 વર્ષથી અને વડનગર પો.સ્ટે.ના વિશ્વાસઘાત અને ઠગાઇના ગુનામાં છેલ્લા 15 વર્ષથી અને સાંતલપુર પો.સ્ટે.ના ખુનની કોશિષ અને પોલીસ પર હુમલાના કેસમાં છેલ્લા 10 વર્ષથી સી.આર.પી.સી. કલમ-70 મુજબના વોરન્ટથી નાસતા ફરતા આરોપીની સાંતલપુર પોલીસે બાતમી ના આધારે સિધાડા ગામેથી આબાદ ઝડપી તેની સામે કાયદેસરની કાયૅવાહી હાથ ધરતા આરોપી સિકંદરખાંન રહેમતખાંન થેબા રહે- સિધાડા ના.સાંતલપુર જિ.પાટણવાળા ને ઝડપી લેવા બદલ સાંતલપુર પોલીસની પ્રશંસનીય કામગીરીને જિલ્લા પોલીસવડા એ બિરદાવી હતી.
અહેવાલ યશપાલ સ્વામી