ઘરફોડ ચોરીમાં સંકળાયેલા ત્રણ આરોપીઓને રંગે હાથ ઝડપી કાયદેસરની કાર્યવાહી હાથ ધરી..
પાટણ તા. ૧૨
સિધ્ધપુર તાલુકાના છાપી પો.સ્ટે. વિસ્તારમાં થયેલ ઘરફોડ ચોરીના ગુના નો ભેદ ઉકેલ પાટણ એલસીબી પોલીસ ટીમે ત્રણ આરોપીઓને ઝડપી લઈ કાયદેસરની કાર્યવાહી હાથ ધરી હોવાનું પોલીસ સુત્રો તરફ જાણવા મળ્યું છે. આ બાબતે પોલીસ સુત્રો તરફથી મળતી હકીકત મુજબ પાટણ જિલ્લા પોલીસ અધિક્ષક ડો.રવિન્દ્ર પટેલ નાઓ દ્રારા પાટણ શહેર સહિત જિલ્લામાં મિલ્કત સંબંધિત ગુન્હાઓ શોધી કાઢવા કરેલ સૂચના આધારે પાટણએલ.સી.બી. ટીમના માણસો એ ચક્રો ગતિશીલ બનાવતા ટીમને મળેલી હકીકત કે છાપી મુકામેથી ઘરમાંથી સોના-ચાંદીના દાગિના તથા રોક રકમ સહિતની કુલ કિં.રૂ. ૧, ૯૩, ૯૩૧/- ની ચોરી કરનાર ત્રણ ઇસમો હાલમાં માતરવાડી પુલ પાસે ઉભેલા છે માહિતી આધારે ટીમે ધટના સ્થળે પહોંચી ઉપરોક્ત ત્રણ આરોપીઓને રંગેહાથ ઝડપી લઈ તમામ ની સી.આર.પી.સી કલમ-૪૧ (૧) આઇ મુજબ અટક કરી આગળની ઘટતી કાર્યવાહી કરવા સારૂ પાટપ સીટી બી ડીવી. પો.સ્ટે. ખાતે આરોપી ઓ ને સોંપતા અને તેની પુછપરછ કરતાં તેઓએ પોતાના નામ સાહરજી ઉર્ફે સાગર સુજાજી ઠાકોર રહે-વધાસર તા-સરસ્વતી જી-પાટણ, જહુભા કરણસિંહ ઝાલા રહે- કાકર તા-કાંકરેજ જી-બનાસકાંઠા અને તેજસિંહ મહોબતસિંહ વાઘેલા રહે- કાકર તા-કાંકરેજ જી-બનાસકાંઠા હોવાનું જણાવ્યું હતું.
અહેવાલ યશપાલ સ્વામી
