સોસાયટીમાં રોડ નહિ બનતા રહીશોને પડતી હાલાકી મામલે પાલિકા પ્રમુખ સમક્ષ રજૂઆત કરી..
પાટણ તા. ૨૦
પાટણની શ્યામ વિલા સોસાયટીમાં રોડ બનાવવા માટે રહીશોએ બે વર્ષથી રૂ.5,58 લાખ ભર્યા હોવા છતાં પણ સ્કીમ નો રોડ પાલિકા દ્વારા આજદિન સુધી નહી બનાવતા રોડ મુદ્દે સોસાયટીના રહીશોને પડતી હાલાકી મામલે પાલિકા પ્રમુખ સમક્ષ રજૂઆત કરી સોસાયટીમાં તાત્કાલિક રોડ બનાવવાની ઉગ્ર રજૂઆત કરી હોવાનું જાણવા મળ્યું છે.
પાટણ શહેરમાં 89 મકાનો ધરાવતી શ્યામ વિલા સોસાયટી બને 10 વર્ષ થયા છે પણ સોસાયટીનો અંદર નો રોડ બિસ્માલ હાલતમાં થઈ ગયો હોવાથી સોસાયટીના રહીશો એ તારીખ 23/09/2022 ના રોજ નગર પાલિકા દ્વારા ચાલતી સ્કીમનો લાભ લેવા રહીશોએ લોકો ફાળો એકઠો કરી ને 30 ટકા અને 70 ટકા રેશિયા પ્રમાણે રૂ.5,58 લાખ રૂપિયા એકઠા કરી ને નગર પાલિકા માં ભર્યા હતા
જે વાતને આજે બે વર્ષ થઈ ગયા હોવા છતાં હજુ સુધી સોસાયટીમાં રોડ મંજૂર ન થયો હોવાની બુમરાડ સાથે બુધવારે નગરપાલિકા ખાતે રજૂઆત માટે આવ્યા હતા અને રોડ ના પ્રશ્નને લઈ પાલિકાના ઉપ પ્રમુખ હિનાબેન શાહ સમક્ષ રજૂઆત કરતાં તેઓએ બાંધકામ વિભાગના એન્જિનિયર ને બોલાવી ઝડપથી આ મુદ્દે કાર્યવાહી કરવા સૂચન કર્યું હતું.
અહેવાલ યશપાલ સ્વામી