![](https://369news.in/wp-content/uploads/2024/07/It-was-circulated-that-the-work-of-installing-smart-meters-in-the-entire-North-Gujarat-including-Patan-by-UGVCL-has-been-postponed.1-jpg.webp)
પાટણ વિજ કચેરી, સરકારી કચેરી અને વિજ કમૅચારીઓને ત્યાં ટેસ્ટીંગ માટે ૨૮ સ્માર્ટ મીટર લગાવવામાં આવ્યા..
પાટણ તા. ૧૮
પાટણ સહિત ઉત્તર ગુજરાતમાં સ્માર્ટ મીટર લગાડવાની કામગીરી હાલ પુરતી સ્થગિત રાખવામાં આવી હોવાનું યુજીવીસીએલ પાટણ વિભાગીય કચેરીના સુત્રો દ્રારા જાણવા મળેલ છે. યુજીવીસીએલ પાટણ વિભાગીય કચેરી ના કાર્યપાલક ઈજનેર દ્વારા કરાયેલ પરિપત્રમાં જણાવ્યું છે કે વીજ ગ્રાહકોના સાદા વીજ
મીટર તબદીલ કરીને સ્માર્ટ વીજમીટર લગાડવા માટેની પાટણ શહેર તેમજ પાટણ જીલ્લામાં જે ચર્ચા ચાલી રહેલ છે, તેના અનુસંધાનમાં જણાવવાનું કે સ્માર્ટ મીટર લગાડવાની કામગીરી હાલમાં કરવામાં આવનાર નથી. તેમજ ઉત્તર ગુજરામાં હાલ પુરતી સ્માર્ટ મીટર લગાડવાની કામગીરી હાલમાં સ્થગિત રાખવામાં આવેલ હોવાનું કાર્યપાલક ઈજનેર ઉ.ગુ.વી.કં.લી.,વિભાગીય કચેરી, પાટણ ના પરિપત્રમાં જણાવ્યું છે.
![](https://369news.in/wp-content/uploads/2024/07/It-was-circulated-that-the-work-of-installing-smart-meters-in-the-entire-North-Gujarat-including-Patan-by-UGVCL-has-been-postponed.3-711x1024.webp)
તો સ્માર્ટ વિજ મીટર મામલે પાટણ યુજીવીસીએલ ના કાયૅપાલક ઈજનેર વી.બી.પટેલ સાથે ટેલીફોનીક વાતચીત કરતાં તેઓએ જણાવ્યું હતું કે હાલમાં પાટણ શહેરમાં કુલ ૨૮ જેટલા સ્માર્ટ મીટર ટેસ્ટીંગ માટે લગાવવામાં આવ્યા છે. જેમાં યુજીવીસીએલ કચેરી સહિત કેટલાક વિજ કંપનીમાં ફરજ બજાવતા કમૅચારી ઓ અને કેટલીક સરકારી કચેરીઓમાં સ્માર્ટ મીટર લગાવી ટેસ્ટીંગ પ્રક્રિયા શરૂ કરવામાં આવી છે.
![](https://369news.in/wp-content/uploads/2024/07/It-was-circulated-that-the-work-of-installing-smart-meters-in-the-entire-North-Gujarat-including-Patan-by-UGVCL-has-been-postponed.2-jpg.webp)
આ ટેસ્ટીંગ પ્રક્રિયાના આધારે શહેરમાં સ્માર્ટ મીટર લગાવવા કે નહિ તે મામલે યુજીવીસીએલ દ્રારા નકકી કરવામાં આવનાર છે. હાલમાં ફક્ત ટેસ્ટીંગ પ્રક્રિયા માટે જ ૨૮ જેટલા સ્માર્ટ મીટર શહેરની યુજીવીસીએલ કચેરી તેમજ કેટલીક સરકારી કચેરીઓ અને વિજ કંપનીના કમૅચારીઓ ને ત્યાં લગાવવામાં આવ્યા છે બાકી શહેરમાં કોઈ જ જગ્યાએ સ્માર્ટ મીટર લગાવવામાં આવ્યાં ન હોવાનું તેઓએ જણાવ્યું હતું.
અહેવાલ યશપાલ સ્વામી