પાટણ તા. 15
ભારતના બંધારણના ઘડવૈયા ડોક્ટર બાબા સાહેબ આંબેડકર ની 132 મી જન્મ જયંતી પર્વની પાટણ શહેરમાં હર્ષો ઉલ્લાસ પૂર્ણ વાતાવરણમાં ઉજવણી કરવામાં આવી હતી. શહેરના બગવાડા દરવાજા સ્થિત ડોક્ટર બાબા સાહેબ આંબેડકર ની પ્રતિમાએ વહેલી સવારથી જ શહેરની વિવિધ સંસ્થાઓ દલિત સંગઠનો,રાજકીય પાર્ટીઓએ ડોક્ટર બાબા સાહેબ આંબેડકર ની પ્રતિમા ને માલ્યાકરી બાબા સાહેબ આંબેડકર અમર રહો ના નારા લગાવી સમગ્ર વાતાવરણ ને ડોક્ટર ભીમરાવ બાબાસાહેબ આંબેડકરમય બનાવ્યું હતું.
આ પ્રસંગે વિશ્વ હિન્દુ પરિષદ પાટણ દ્વારા પણ ડો.બાબા સાહેબ આંબેડકરની પ્રતિમાને પુષ્પાંજલિ સમર્પિત કરવામાં આવી હતી. વિશ્વ હિન્દુ પરિષદ દ્વારા આયોજિત ડોક્ટર બાબા સાહેબ આંબેડકર જન્મ જયંતીપર્વ પ્રસંગે પાટણ શહેર પ્રમુખ જે ડી ઠક્કર સહિત ના આગેવાનો અને કાર્યકરો ઉપસ્થિત રહ્યા હતા
