પાટણ શહેર ભાજપના પૂર્વ પ્રમુખ અને વોર્ડ-1ના નગરસેવક મનોજભાઈ પટેલના જન્મદિન નિમિત્તે ક્રિકેટ મેચ નું આયોજન કરાયું..
પાટણ તા. 28 પાટણ શહેર ભારતીય જનતા પાર્ટીના પૂર્વ પ્રમુખ અને પાટણ નગરપાલિકાના વોર્ડ – 1ના જાગૃત કોર્પોરેટર મનોજભાઈ ખોડીદાસભાઇ પટેલ દ્વારા પોતાના 56 માં વર્ષના જન્મદિન માં પ્રવેશ પ્રસંગે મણીલાલ કરમચંદ જીમખાના મેદાન ખાતે યુનિવર્સિટી ની પી.જી.ભવનની છોકરીઓની ક્રિકેટ ટીમ વચ્ચે પાટણ જીમખાના અંડર 17 છોકરાઓની સૌપ્રથમવાર ક્રિકેટ મેચ નું આયોજન ગુરૂવારે કરવામાં આવ્યું હતું.
પાટણના ઇતિહાસમાં પ્રથમવાર જીમખાના મેદાન ખાતે આયોજિત કરાયેલી આ ક્રિકેટ ટુર્નામેન્ટમાં ભાગ લઈને યુનિવર્સિટી પી.જી.ભવનની છોકરીઓની ટીમે આનંદ અનુભવ્યો હતો. જોકે ભાઈઓ-બહેનો ની સામ સામે યોજાયેલી મેચીસ બોલ સાથેની ક્રિકેટ મેચમાં ભાઇઓની ટીમ વિજેતા બની હતી. જીમખાના મેદાન ખાતે મનોજભાઈ પટેલના જન્મદિવસ નિમિત્તે આયોજિત કરાયેલી બહેનોની અને ભાઈઓની પ્રથમ વખતની મેચમાં જીમખાના મેદાનના મહામંત્રી પ્રશાંત રાવલ, સેક્રેટરી જે પી પટેલ,વાસુ પટેલ,કિરીટ સ્વામી,જીગર ઠક્કર,હાર્દિક જોશી સહિતના મહાનુભાવો ઉપસ્થિત રહ્યા હતા.
અહેવાલ યશપાલ સ્વામી
