![](https://369news.in/wp-content/uploads/2024/06/Untitled.png)
રજિસ્ટ્રેશન કરાયેલ ૧૫૦ થી વધુ દિકરીઓને પ્રથમ ડોઝ તા.૨૩ જુનના રોજ રેડક્રોસ ભવન ખાતે અપાશે..
પાટણ તા. ૧૪
નાનાબાર કડવા પાટીદાર યુવા સંગઠન દ્વારા પાટણમાં રહેતા સમાજના દરેક પરિવારોની ૯ વર્ષ થી ૧૪ વર્ષ ની દીકરીઓને ૨(બે) ડોઝ અને ૧૫ થી ૨૬ વર્ષ ની દીકરીઓને ૩(ત્રણ ) ડોઝ સર્વાઇકલ કેન્સર ની રસી નિઃશુલ્ક આપવાના આયોજન માટેની મીટીંગ શુક્રવારે સિધ્ધરાજ કો. ઓપરેટિવ ક્રેડીટ સોસા. લી.ખાતે મળી હતી.
મિટિંગ મા પાટીદાર યુવા સંગઠન ના પ્રમુખ અશોક ભાઈ પટેલ સમ્રાટ, મંત્રી પરેશ ભાઈ પટેલ, ખજાનચી ભોપાભાઈ પટેલ તેમજ કડવા પાટીદાર યુવા સંગઠનના કારોબારી સભ્યો, સમાજના આગેવા નો, કુટુંબ સહ પ્રતિનિધિઓની વિશેષ ઉપસ્થિતિમાં આગામી ૨૩ જૂન ૨૦૨૪ના રોજ પ્રથમ ડોઝ રેડ ક્રોસ ભવન પદ્મનાભ ચાર રસ્તા ખાતે આપવાનું નક્કી કરવામાં આવ્યું છે. જેમાં સમાજના તેમજ વિવિધ સમાજના તબીબોની પણ સેવાઓ લેવામાં આવશે..
તા.૨૩ મી એ સવારે ૮-૦૦ કલાક થી રસી આપવાનો કાર્યક્રમ શરૂ કરવામાં આવશે. પ્રથમ તબક્કામાં ૧૫૦ થી વધુ દીકરીઓને પ્રથમ ડોઝ માટે નું રજીસ્ટ્રેશન કરવામાં આવ્યું છે. સર્વાઇકલ કેન્સરની રસી નો સંપૂર્ણ ખર્ચ નાના બાર કડવા પાટીદાર યુવા સંગઠન ઉઠાવશે તેવું સંગઠન ના પ્રમુખ અશોકભાઈ પટેલ સમ્રાટ તેમજ મંત્રી પરેશભાઈ પટેલે જણાવ્યું હતું.
અહેવાલ યશપાલ સ્વામી